聽下歌先~

如何鼓勵人行多點樓梯及放垃圾入垃圾筒 ??

...WELCOME TO HONG KONG...

識我 ge 朋友仔都知道, 我係逢星期二放假, 今日唔例外, 都係放假~

不過今次呢個假, 會放得好長, 放 1 日、2 日、3 日...

1 個星期、1 個月、1 年...

或者, 係長放......

每月更表上面由今日開始唔會再出現我個名

而每日分工項目 ge 更紙上面亦都唔會再有我個名

唔經唔覺, 0係度做左半年, 話長唔長, 話短唔短

講真, 覺得0係度做左好耐, 好多野都做到熟晒, 好多地方都行到熟晒

又同各位阿叔阿嬸哥哥仔姐姐仔傾得埋玩得癲, 好親切...

但又覺得做左冇幾耐, 時間過得真係好快

半年, 但感覺好似係前幾日先入黎做咁...

好矛盾 ge 感覺~

1 班人 1 齊做野, 1 齊抖, 1 齊食飯, 1 齊玩, 1 齊講笑

0係度做野, 我覺得呢段日子真係好開心 (真心 ge~)

雖然由今日開始我唔再屬於呢度 ge 員工

但我地已經成為朋友

得閒 ge 時候我會返黎探下你地

又或者約出黎聚下, 玩下

我唔會忘記呢個曾經工作過、開心過 ge 地方...

同時要好多謝好多謝我 2 叔同 2 嬸當初介紹呢份工俾我

先會令我有咁開心 ge 日子同難忘 ge 回憶~

呢幾日 d 天氣簡直係痴左線......

明明見到成個太陽, 曬到係見到自己同周圍 ge 野係有陰影

但同 1 時間自己係俾雨淋緊, 係落狗屎咁大雨 !!! \\\20 個珍....../// =.="

仲要次次撞正係戶外推緊垃圾桶先黎 d 咁 ge 野

大佬 ar......玩冰火咩......

(又諗起盧冠廷出黎講地球暖化...

吓吓~~~~~~~~~~~~~我要飛往天上~~~~~~~~~~~)

... = ="

講起落雨, 我自己就好唔 like (藍天白雲是我的好心程~~ YEAH !!! )

不過, 有 1 個落雨情景我幾 like...

就係自己上左架冷氣巴, 坐0係上層窗邊位

突然落大雨, 勁大雨, 越大越好 !! (有少少變態...)

隻手放0係窗框上, 托住下巴

望住 d 雨水由密封玻璃窗 ge 頂部流流流...... 1 直流落到底部

好快, 成塊玻璃都係雨水, 而窗外 ge 景物亦變得糢糊, 睇唔到

另 1 方面, 1 點 1 點 ge 大雨水打落巴士車頂外面

不斷 ge "噠噠噠噠噠" 聲, 感覺真係好正

不過最重要 ge...........................就係要0係我落車之前停晒雨

咁先夠 perfect !!!!

(衰得你呢...)

結果, 呢個情景0係我今日放工坐巴士果陣實現左

雖然只係落左 1 陣間

不過, 真係好正~